Ասլը Պերկերը ծնվել է Իզմիրում և դպրոցական տարիներին շրջել երկրով մեկ՝ ծնողների աշխատանքի բերումով: Ավարտել է Դոքուզ Եյլուլ համալսարանի Արվեստի և գիտությունների ֆակուլտետի ամերիկագիտության բաժինը։ Ասլն իր գրական կարիերան սկսել է գովազդային գործակալությունում. տեքստեր էր գրում, այնուհետև զբաղվել է լրագրությամբ:
2001թ.-ին տեղափոխվելով Նյու Յորք՝ աշխատել է թարգմանիչհետո սկսել իր գրական կարիերան: Առաջին վեպը՝ «Ուրիշի բույրը», լույս է տեսել 2005թ.-ին, երկրորդը՝ «Դահիճի գերեզմանատունը», հրատարակվել է 2009թ.-ին, հետո թարգմանվել է 8 լեզվով։ Դա թրիլլեր է, որը կենտրոնանում է «հանցագործություն» և «հանցագործ» հասկացությունների վրա՝ վերլուծելով գերեզմանատան պահակի հոգեբանությունը:
Ասլը Պերկերի երրորդ վեպը՝ «Սուֆլեն», լույս է տեսել 2011թ.-ին և շատ կարճ ժամանակում դարձել բեսթսելլեր: Այն թարգմանվել է 23 լեզվով: Անգլերենը թարգմանել է հեղինակը, որը հրատարակել է Telegram Books հրատարակչությունը։ Daily Mail ամսագիրը «Սուֆլեն»կոչել է «զվարճալի, հուզիչ, խելացի գիրք, որը ուսումնասիրում է ընտանիքի գաղափարի իրական նշանակությունը` զուգահեռ կենտրոնանալով ուտելիքի իրական ուժի վրա: Գիրքը համեղ է բոլոր իմաստներով»:
Այնուհետև հրատարակեց մի շարք գրքեր․ «Օգնեք ինձ» (2015թ), «Աշնան ժամանակը» (2016թ), «Ֆլամիգոները վարդագույն են» (2018թ) և վերջինը՝ «Բաժանման առաջին օրը» (2021թ):
Ասլը Պերկերը դասավանդել է ԱՄՆ Այովա համալսարանի «Տողերի միջև» (“Between the Lines”) ստեղծագրության միջազգային ծրագրում, ինչպես նաև 2018 թվականին ԱՐԻ գրականության հիմնադրամի «Գրենք Հայաստանում» ստեղծագրության միջազգային ճամբարում:
